xinelo na Wikipedia

Hoje, à procura de referências da Academia das Ciências de Lisboa à AGAL, fum dar por acaso numha página de discussom das normas da Wikipedia, e comecei a ler umha contribuiçom que falava de mudar umha norma por ser parcial e inexacta. Pareceu-me que a contribuiçom estava mui bem escrita e argumentada :D Figem umha leitura meio diagonal mas ao chegar ao final reparei em que estava assinada por xinelo! Mas se está escrita por mim! E nom me lembrava de ter escrito aquilo todo... foi quando me registrei na Galipédia. Que cousas!

Pareceu-me curioso lembrar a maneira de escrever em galego que tinha eu hai dous anos.

Nunca me metim muito no funcionamento da Wikipedia, apesar de ter feito contribuiçons de vez em quando. Ou seja, que nunca seguim até o final na minha reivindicaçom, tampouco era tam importante, mas mesmo tivem duas adesons! ;)

Dia do Orgulho Lusista e Reintegrata

Em 25 segundos

Humm, essa boca sensual, humm sim... Será a mesma que aparece no começo de Rocky Horror Picture Show...

Ainda sendo mui moderadinha, a mim parece-me que esta iniciativa tem muito valor e, dependendo da difusom que tiver, realmente pode servir para mudar algumhas mentalidades (sobretudo vindo do Concelho de Santiago e nom de nengumha associaçom independentista nem marxista-leninista). Por algo se começa! Parece-me umha mui boa maneira de abrir os olhos a muita gente que nem sabe o que é o reintegracionismo ou que pensa que "essas pintadas" ou esses panfletos estám escritas com "nh" simplesmente como umha maneira de rebeliom anti-sistema semelhante à dos anarkas, punkarras, okupas e demais (nom tenho nada em contra das suas heterografias, quero dizer que a motivaçom é mui diferente).

O que noutras circunstâncias ou noutro país poderia ser tomado como um insulto à inteligência (lh = ll, oooooh!), na Galiza hoje (já eram bem tempos!) sem dúvida servirá para acalar alguns comentários impertinentes que tenho que agüentar eu cada vez que certas pessoas do meu ambiente leem cousas escritas por mim, como se escrever sem ñ's fosse um atentado à decência e convivência entre pessoas civilizadas. Daí a estarem abertos, já nom digo a argumentos reintegracionistas, senom simplesmente a considerarem as pessoas reintegracionistas doutra maneira, fica um passo mais pequeno.

Será mui ingênuo pensar que algo pode mudar nas ideias dumha pessoa sem nengum tipo de inquietude lingüística ao ver (e acreditar no que di) este marcador? Isso de poder aprender a ler umha língua estrangeira em 25 segundos é um pouco raro, nom? Aqui cheira a gato...

Avante, força çedilha!